Ponte Ribeira

(S.XII). Cruza o río Sarria polo trazado do Camiño Francés, e para en Fonte Ribeira e no conxunto escultórico “Homenaxe ao peregrino”.

Escalinata Maior

(S.XIX). Sube e faite unha foto antes de acceder á zona histórica de Sarria.

Casa natal de Matías López

Era a vivenda do industrial chocolateiro, político e filántropo, introductor da moderna publicidade comercial en España.

Igrexa de Santa Mariña

(1885). Situada na antiga praza do mercado, ocupando o solar dunha antiga igrexa románica do S. XIII.

Casa Baamonde

(S. XIX). Dende 1920 é a Casa do Concello. Na fachada principal atópase a escultura pétrea de Alfonso IX de León e Galicia.

Igrexa de San Salvador

(S. XIII). Mostra algún elemento románico e arcos e portas góticas. Destacan no exterior as ferraxes medievais e capiteis con cabezas humanas, rolos, a Árbore da Vida, rosetas e puntas de cravo.

Torre da Fortaleza

(S.XIII). Alzada polos Condes de Sarria, derruida na “Revolta Irmandiña” e alzada de novo á conta dos vasalos das “Cinco Pobras”. En pé ata 1860. Na actualidade só se consérva unha torre de flanco.

Antiga Prisión

Hoxe en día alberga a Oficina de Turismo Municipal de Sarria, así como distintas actividades culturais.

Mosterio da Madalena

(S.XII). Fundado como hospital e refuxio de descanso de peregrinos, por dous frades italianos. Hoxe rexido pola Orde da Mercé. Un dos monumentos máis representativos de Sarria.

Ponte da Áspera

Reconstruída no S. XVIII sobre unha ponte de orixe medieval. É un das pontes máis destacadas do Camiño de Santiago Francés.

Capela de San Lázaro

(S.XVIII). É o único resto do que foi o Hospital de San Lázaro, dedicado a curar a persoas enfermas de lepra entre os séculos XV e XVII.

Rúa Porvir

Se che apaixonan as antigüidades ou atopar mobles ou pezas con moita historia, esta é a túa rúa. Entra nas tendas dos anticuarios e atopa o teu tesouro.

Casa da Cultura

De estilo neoclásico, era o antigo edificio das Escolas Públicas e actual sede da biblioteca e salas de exposicións.

Ponte Vella do Mazadoiro

Preciosa ponte de pedra de dous arcos

Foto: J.M. Díaz Bernárdez

Ponte Vella

O concello de Sarria encerra dentro dos seus extremos un bonito conxunto de arte románica en igrexas da vila e rurais. Hoxe en día aínda podes gozar da súa beleza.

Foto: J.M. Díaz Bernárdez