Saborea Sarria e reVITAliza o teu sentido do gusto.

É hora de descubrir

Ven a gozar dos sabores naturais da rubia galega, do porco celta, do pan, empanadas e sobremesas típicos, e de moito máis…

#SaboreoSarria

Comer en Sarria

Polbo á Feira

Non marches de Sarria sen probar o polbo á feira, mellor se é en día de feira: 6, 20 e 27 de cada mes no Campo da Feira, na Rúa da Mercede, na parte máis alta da vila. Unha ampliación do espazo que ocupaba o Mercado medieval, xa documentado no s. XIV. Tanto se é na feira, como nun restaurante, achégate a unha polbeira de Sarria e comproba por que é tan famoso o noso polbo. Só ou con con cachelos (patacas cocidas)? Con pemento doce ou picante? Ti elixes.

Porco Celta

Cando visites Sarria descubrirás porque somos un dos lugares punteiros en produción de carnes de porcino. Entre elas atópase o porco celta, raza autóctona recuperada que medra ceive en pastos e bosques, o que lle dá un insuperable sabor. Ata temos nosa propia Festa do Porco Celta, onde probar o famoso cocido de porco celta. Goza da carne de porco nos diferentes formatos: fresca para cociñar, en salgadura e saborosos embutidos tradicionais: chourizo, salchichón, roxóns, lacón de Sarria… Todos eles producidos de forma artesanal.

Tenreira Galega

Á brasa, á prancha, en churrasco, guisada, carne ó caldeiro… non importa como estea preparada, a nosa rubia galega fará as delicias do teu padal. E sabes por qué? Porque os pastos son de gran calidade. Ademáis da rubia, tamén poderás atopar outras razas autóctonas como a cachena, caldelá, limiá, frieiresa e vianesa.

Verduras Galegas

A abundante auga de Sarria fai posible unha rica horta. As verduras máis aprezadas da zona son nabizas, grelos, verzas ou repolos. Todas elas perfectas para preparar un bo cocido ou caldo galego e repoñer forzas ou entrar en calor nos días máis fríos.

Pan e empanadas

Se es galego xa o sabes, pero se non o es avisámosche: o pan galego é altamente adictivo. O seu proceso de elaboración artesanal fai que a cortiza estea crocante, o miolo esponxoso e que o seu sabor sexa natural e auténtico, incluso varios días despois. Por non falar do cheiro que asolaga as rúas grazas ás tradicionais panaderías. Podes comezar a túa xornada cunhas crocantes tostadas e despois preparar para o teu roteiro ou excursión un bo bocadillo con algún dos nosos saborosos embutidos ou unha empanada galega artesanal (zorza, iscos, chourizo, polbo, bacallau, verduras…).

Doces e Postres

E se es un lambeteiro, tes que probar unha ou varias das sobremesas típicas sarriás: melindres, filloas, freixós, queixo, rosca, torta de améndoas, castaña ou noces, leite frito ou un “santito”.

Experiencias con moito sabor

Se queres profundar na gastronomía de Sarria convidámosche a realizar algunha destas saborosas visitas guiadas:

54437394 1990290124416518 1456517293763723264 n

“Non sei que ten…”

Pero non che queda outra que vir a Sarria, non só a reVITAlizar as túas pernas e o teu corazón, tamén o teu padal.

Saborea Sarria mercando estas delicias gastronómicas na praza de abastos, feira ou comercio local ou gozándoas nos nosos bares e restaurantes.